我有一個夢想，就是取得公屋戶籍！
原來而家多咗好多年輕人申請公屋，點解我當年十八歲時唔識得入紙呢？
點解我地要申請公屋？因為私樓係痴ｘ線！價錢貴都唔係最大問題，問題係值唔值先？個廳只能用嚟打保齡、間房轉兩個身都唔得、但幅牆厚到可以擋火箭炮．．．呢ｄ單位都要供幾十年，係唔係合理呢？
一層樓供幾十年，但而家又有幾多年輕人搵到一世唔憂嘅工先？大部份工都係合約制、臨時工、Free Lance，中間份工有咩三長兩短真係End Game了！唔好忘記外判制、合約制都係政府帶頭做起，年輕人亦只能慨嘆做乜自己咁遲出世．．．
曾俊華批評過，八十後買樓要考慮泳池同會所，係丫，有邊個唔想改善生活環境？但食唔起魚翅，咪要食粉絲ｌａｗ，冇得食飯都要俾人食粥啦。私樓住唔起，咁都要有瓦遮頭丫。但如果連公屋都冇俾人得住，逼人瞓街，我諗都幾壯觀吓！
所以我有一個夢想，就係取得公屋戶籍，住一世都冇問題，只怕政府你唔夠膽起！
全站熱搜
留言列表
