close
嘩！尋日記者協會踢爆，自警方由04年改用第三代通訊系統後，每日只向傳媒發放2.7宗突發案件，只佔整體罪案1.27%！唔怪得ｄ記者冇嘢好報，要上高登拎舊聞當新聞啦！
本來傳媒係聽到警方通訊，知道邊度有突發事件，而家就要靠警方公佈，仲要每日得2.7宗，唔怪得香港咁太平啦！
《一九八四》中嘅主角就係喺真理部工作，掌管國家一切資訊，決定市民應該知道乜嘢／唔知道乜嘢。但原來香港警方就係真理部！而家警方決定發放咩新聞俾傳媒，咁不如警務處處長做埋新聞處處長啦！
即係話香港每日都有兩百幾單突發案件，但絕大部份公眾係唔知情！咁邊個監督警察做嘢、邊個知道警察處理得啱唔啱？我建議大家報警時，應順便打埋電話俾各大傳媒，唔係你有咩依郁都唔會有人知！
如果第二日香港立埋廿三條，呢次仲唔仆街了？！
全站熱搜
留言列表
