my reflection

最後我還是買了一部菲林機，真係愈玩愈low-tech。

呢部Yashica MG-1，係一部菲林rangefinder，即係冇反光板、仲要從觀景窗內手動疊影對焦，但其實都好易上手。呢部機冇得換鏡，但45mm視角好易使用。作為菲林機入門，三百蚊不到算係好抵玩（雖然我知有錢佬會玩Leica）。

菲林同數碼完全係兩樣嘢，又冇話邊個贏哂。菲林冇得即時睇相、仲每一下快門都係錢，不過唔同牌子嘅菲林有唔同風格，曬相嘅一刻又令人期待；數碼相就即影即睇，一日影幾百張都唔肉痛，影得唔好可即時補飛，仲可以開PS執到滿意為止。平日慢慢影，我會用菲林RF，但遊行示威場合應該會用DSLR。

所以初初影相都係用數碼機好，因為一開始多數都係不斷按快門，後來先愈影愈少，用菲林機學費太貴。但玩數碼機玩到差唔多，升級費用愈來愈貴，玩唔起就唯有「降級」玩菲林。其實玩菲林唔係想像咁貴嘅，一筒菲林二十蚊左右、沖哂一蚊一張、大量沖哂仲會平ｄ，認真影嘅話，一星期都影唔到一筒。

我用開DSLR，大概每三張相中保留一張，補飛實在太多了。但玩菲林RF就要張張命中！我相信呢個係改善自己亂槍打鳥嘅機會！