my reflection

最近又有單報導話港女「高學歷、高職位、高收入」讓港男卻步，又話港女遇唔到有質素嘅男士會寧願單身云云。雖然寫呢個題材一定又有朋友話我成日鬧港女，但都係要寫架喇！

呢個報導完全係捉錯用神！寫條友有冇問過香港單身男士做乜唔媾港女呀，我估十個最多得一個係因為上述三高！我自己就大學畢業同中學學歷都媾過（雖然冇次成功．．．），又唔會因為對方學歷高或低而卻步喇！

如果有個「高學歷、高職位、高收入」嘅女仔肯要我，真係開香檳都開唔切！我相信好多港男都唔介意呢三樣嘢！

港女以為自己「高學歷、高職位、高收入」讓港男卻步，正正顯示佢地思想上有問題！即使呢三樣嘢係問題所在，嗱，一隻手掌係拍唔響嘅！我就試過接觸一個教師，仲未決定媾唔媾，佢已經話自己讀緊碩士，希望男朋友最少大學畢業！痴孖筋！邊有得咁講嘢架？咁你地話呢個係男定女嘅問題先？

港女根本唔明白，而家仲係上世紀七十年代咩，男女不論喺接受教育同求職機會都平等架喇，香港有利男性嘅工種亦都消失得七七八八，仲想男性比自己強，係咪不符現實兼且要求高咗ｄ呢？以前又有冇聽過男人嫌女人唔夠自己叻？其實好多社會現象，將當中身份角色掉轉嚟諗，就知道合唔合理架啦！

反而我覺得港女有三樣嘢真係會令男士卻步：脾氣差、視野窄、唔運動，或者仲可以咁講：冇內涵！不過掉轉個問題嚟睇，女人揀男人應該就簡單得多，認為錢可解釋一切！所以港女咪以為自己「高學歷、高職位、高收入」，令男人唔揀佢地！

男人就真係未必介意女人三高，但「三低男人」又有冇女人要？所以我咪做咗廿九幾年毒男ｌａｗ．．．